Ein Gedicht „om d‘ Fasnet rom“
do gand hia bsondre Goischter om.
Em Maschkerahäs ond seidne Franza
goht älles jetzt verdeckt zom Tanza
as alte Ma ond alte Weiber,
d‘ Herrschaft, s Mädle, Chef ond Schreiber,
dr Nene, d‘ Nana, s‘ Weib ond Kend
se äll mitanand it z‘ hebet send
Jo uff em Buckel scho da Fuchzger
Riskiat man no en Fasnetsjuchzger
denn s wußelt in älle Stroßa
mit Pfeifa, Schrilla, Rätscha, Bloßa,
mit ohohoho in jeder Lag,
dia Stemmla haischt, wia i dir sag.
Ma goht alloi, zu dritt, selbander
alles konterbond ond duranander;
au Dominos, en ganza Haufa,
siehst do uff oimol d’Stroß rauflaufa.
Jo, schwarze, geale, raut ond blo
Ond oms verseah send andre do
Ond jeder moit, ehn kennt koi Sau.
Ma goht in Larv, babierne Gsichter.
Wenn’s kenna dätscht, kämst en d‘ Gichter.
Verrota kascht`s jo kaum, apate
vor Narratei ond Maskerade.
Ond bei dem Mommaschanz am End
da Grend scho reacht viel neibrocht hend.
Ma goht sait d Lisl ond Antona
as Maschger en ga älle Facona.
So koschtümiat wiea em Theater,
au bsoffa, dappig, gar em kater
triffscht da Udo, Bapischt, Franz
bei kreuzfidela Fasnettanz.
Kurzom, verleabscht äll Situationa
von deane Fraidaschtationa;
a Stemmong, närrisch, gompig, fei,
bis en da hella Morga nei.
Ma goht halt maschkera z`Monderkenga
`s isch Brauchtom, grad wia´s Brunnasprenga
Liebe Narren von Nah und Fern, wir suchen euch als Zeitzeugen unserer Fasnetsgeschichte.
Wir suchen eure Erinnerungen und Erlebnisse der vergangenen Fasnet – welche 30, 40, 50, 60 oder noch mehr Jahre zurückliegen kann. Was für Fasnetssprüchle, Rufe, Rituale, Anekdoten oder Moritaten gab es damals?
An was denkt ihr, wenn ihr an Fasnet von früher denkt, als es hieß „ma zend, ma zendet Fasnet rei“?
All das würden wir gerne von euch erfahren und auch veröffentlichen, wenn ihr damit einverstanden seid. Ganz sicher werden wir alle Einsendungen bewahren, dass nichts von euren Erinnerungen verloren geht, sondern auch noch den nächsten Generationen zur Verfügung steht.
Wir haben hierfür extra einen Briefkasten am Zunfthaus in der Martinstraße angebracht – werft hier Eure Bilder, Geschichten, Sprüche etc. ein oder schickt es uns einfach per Mail an pr@narro-hee.de. Lasst uns teilhaben an euren Erinnerungen, gerne auch mit Bild oder als kleines Video oder eben schriftlich.
